Genoeg vir 6-8 mense
Bestanddele:
- 1 lamsboud, oopgespalk en ontbeen. (Sny kepies langs die spiere sodat die vleis effens platter lê)
- Marinade:
250 ml suurlemoensap
250 ml olyfolie
15 ml gekapte vars roosmaryn (5 ml gedroog)
15 ml gekapte vars tiemie (5 ml gedroog)
15 ml gekapte vars marjolein (5 ml gedroog)
2-10 huisies fyngedrukte knoffel (na smaak)
Metode:
- Strooi sout en varsgemaalde peper oor die lam en vryf dit in saam met ‘n bietjie suiker.
- Plaas die lam in ‘n braaipan.
- Meng die marinade-bestanddele en gooi dit oor die vleis.
- Marineer vir 6 uur; draai die vleis elke 3 uur om.
- Braai oor medium tot stadige kole vir sowat 45 minute, en verf gereeld met marinade. Los ‘n bietjie marinade in die braaipan.
- Maak die oorblywende marinade warm, plaas die lamsboud daarin en laat dit ‘n paar minute rus terwyl jy dit warm hou.
